Amma Mini Clinic - முதலமைச்சரின் அம்மா மினி கிளினிக் திட்டம் பற்றி அறிந்துகொள்வோம்

முதலமைச்சரின் அம்மா மினி கிளினிக் திட்டம்

மினி கிளினிக் என்றால் என்ன?

ஏழை, எளிய மக்களுக்காக அம்மா மினி கிளினிக் திட்டம் தமிழக அரசால் 14-12-2020 அன்று தொடங்கப்பட்டுள்ளது. மினி கிளினிக்குகள் கிராமப்புறம் மற்றும் நகர்ப்புறங்களில் மக்கள் அதிகமாக கூடும் இடங்களில் அமைக்கப்படுகின்றன. அம்மா மினி கிளினிக்குகளில் கீழ்கண்ட உறுப்பினர்கள் இடம்பெறுவார்கள்.

1. ஒரு மருத்துவர்
2. ஒரு செவிலியர்
3. ஒரு உதவியாளர்

ஏற்படுத்தப்பட்டுள்ள வசதிகள்

• சளி, காய்ச்சல், தலைவலி போன்ற எளிதாக சிகிக்சை அளிக்கக்கூடிய நோய்களுக்கு சிகிக்சை மற்றும் மருந்துகள் வழங்கப்படும்.

• ரத்த அழுத்தம் பரிசோதனை செய்யப்படும்.

• சர்க்கரை பரிசோதனை செய்யப்படும்.

• ஹீமோகுளோபின் பரிசோதனை செய்யப்படும்.

• சிறுநீர் பரிசோதனை செய்யப்படும்.

• மகப்பேறு பரிசோதனை செய்யப்படும்.

மருத்துவ உபகரணங்கள்

• இ.சி.ஜி கருவி

• பல்ஸ் ஆக்சிமீட்டர் கருவி

• வெப்பநிலை கண்டறியும் தெர்மோமீட்டர் கருவி

• பேட்டரி மின் விளக்கு

செயல்படும் நேரம்

காலை 8 மணி முதல் 12 மணி வரை மற்றும் மாலை 4 மணி முதல் 8 மணி வரை என ஒரு நாளைக்கு 8 மணி நேரம் இந்த மினி கிளினிக்குகள் செயல்படும்.