Right To Education - 2009 - Application to Private Schools - இலவச மற்றும் கட்டாய கல்வி உரிமை சட்டம் - 2009 - விண்ணப்பிப்பது எப்படி?

 இலவச மற்றும் கட்டாய கல்வி உரிமை சட்டம், 2009 - பிரிவு 12.1 (C) விதிகளின் கீழ் தனியார் பள்ளிகளுக்கு விண்ணப்பித்தல் எப்படி?

குழந்தைகளுக்கு இலவச மற்றும் கட்டாய கல்வி சட்டம் - 2009 இந்திய நாடாளுமன்றத்தால் இயற்றப்பட்ட சட்டமாகும். 6 முதல் 14 வயதுக்குட்பட்ட குழந்தைகள் தங்கள் வசிப்பிடத்துக்கு அருகிலேயே உள்ள பள்ளிகளில் இலவச தொடக்க கல்வி பெற இந்த சட்டம் வழிவகுக்கிறது. இந்த சட்டத்தின் படி ஒவ்வொரு தனியார் பள்ளியும் மாணவர்கள் இலவசமாக படிப்பதற்கு 25% இடஒதுக்கீடு வழங்க வேண்டும். அந்த மாணவர்களின் கல்விக்கான செலவை அரசே பள்ளிகளுக்கு செலுத்திவிடும்.

தேவையான ஆவணங்கள்

1. விண்ணப்பதாரரின் புகைப்படம் (150 px X 175 px)
2. பிறப்பு சான்றிதழ்
3. பெற்றோர் அல்லது பாதுகாவலரின் ஆதார் அட்டை/ குடும்ப அட்டை
4. நலிவடைந்த பிரிவினருக்கு வருமான சான்றிதழ் (for Weaker Section Candidates)
5. வாய்ப்பு மறுக்கப்பட்ட பிரிவினருக்கு சாதிச் சான்றிதழ் (for Disadvantage Group Candidates)
6. வாய்ப்பு மறுக்கப்பட்ட பிரிவினருக்கு சிறப்பு பிரிவு சான்றிதழ் (Disadvantaged Group Special Category Certificate)

குறிப்பு

• இந்த சட்டப்படி நலிவடைந்தோர் என்போர் ஆண்டு வருமானம் ரூ.2 லட்சத்திற்கும் குறைவான குடும்ப வருமானம் உள்ளவர்.

• இந்த சட்டப்படி வாய்ப்பு மறுக்கப்பட்ட பிரிவினர் என்போர் 

• SC/ST/OBC பிரிவினர்
• ஆதரவற்றவர்கள் (Orphan)
• மூன்றாம் பாலினத்தவர் (Transgender)
• எச்ஐவி பாதித்தவர் குழந்தைகள்
• Scavenger குழந்தைகள்
• மாற்றுத்திறனாளி குழந்தைகள்

• இணையதளத்தில் விண்ணப்பிக்க மற்றும் இத்திட்டத்தில் இணைக்கப்பட்ட தனியார் பள்ளிகளின் விவரங்களை அறிய https://rte.tnschools.gov.in என்ற  இணையதளத்தை பார்வையிடவும்.