PMKISAN திட்டம் - Rs.6000 to Farmers - விவசாயிகளுக்கு ரூ.6000 நிதி - விண்ணப்பிப்பது எப்படி?

 PMKISAN திட்டம் மூலம் விவசாயிகளுக்கு வருடம் ரூ.6000/- நிதி - விண்ணப்பிப்பது எப்படி?

PMKISAN (PRADHAN MANTRI KISAN SAMMAN NIDHI)  திட்டம் என்பது இரண்டு  ஹெக்டேர் அல்லது ஐந்து ஏக்கருக்கு குறைவாக நிலம் வைத்துள்ள சிறு மற்றும் குறு விவசாயிகளின் குடும்பங்களுக்கு நிதி வழங்கும்பொருட்டு மத்திய அரசால் 2018 ஆண்டு அறிமுகப்படுத்தப்பட்ட திட்டமாகும். 

பயன்கள்

• மூன்று சம தவணைகளில் (ரூ.2000 வீதம்) ஆண்டுக்கு 6,000/-  நிதி நேரடியாக பயனாளிகளின் வங்கிக் கணக்குகளுக்கு வரவு வைக்கப்படும்.

• பயனாளிகளுக்கு கிசான் கிரெடிட் கார்டு (KCC) வழங்கப்படும். இதை பயன்படுத்தி வேளாண் தொழில் சார்ந்த செலவுகளுக்கு அரசின் சலுகைகளோடு வங்கி கடன் பெறலாம்.

தகுதிகள்

• ஒரு குடும்பத்தில்  ஒருவர் மட்டுமே PMKISAN திட்டத்தில் பயனடைய முடியும். இத்திட்டத்திற்கான குடும்பத்தின் வரையறை கணவன், மனைவி மற்றும் மைனர் குழந்தைகள்.

• தகுதியான உழவர் குடும்பங்களை மாநில அரசு மற்றும் யூனியன் பிரதேச நிர்வாகம் அடையாளம் காணும்.

• இத்திட்டத்தின் கீழ் பயன்பெற உயர் பொருளாதார நிலையிலுள்ள பின்வரும் பிரிவுகள் தகுதி பெறமாட்டார்கள்.

1.அனைத்து நிறுவன நில உரிமையாளர்களும்.

2.பின்வரும் வகைகளில் ஒன்று அல்லது அதற்கு மேற்பட்டவற்றைச் சேர்ந்த உழவர் குடும்பங்கள்:

i) முன்னாள் மற்றும் தற்போதைய அரசியலமைப்பு பதவிகளை  வைத்திருப்பவர்கள்

ii) முன்னாள் மற்றும் தற்போதைய அமைச்சர்கள் / மாநில அமைச்சர்கள் மற்றும் லோக்சபா / ராஜ்யசபா / மாநில சட்டமன்றங்கள் / மாநில சட்டமன்ற சபைகளின் முன்னாள் / தற்போதைய உறுப்பினர்கள், மாநகராட்சிகளின் முன்னாள் மற்றும் தற்போதைய மேயர்கள், மாவட்ட பஞ்சாயத்துகளின் முன்னாள் மற்றும் தற்போதைய தலைவர்கள்.

iii) மத்திய / மாநில அரசு அமைச்சகங்கள் / அலுவலகங்கள் / துறைகள் மற்றும் அதன் கள அலகுகளின் அனைத்து சேவை அல்லது ஓய்வு பெற்ற அதிகாரிகள் மற்றும் ஊழியர்கள் மத்திய அல்லது மாநில பி.எஸ்.இ மற்றும் இணைக்கப்பட்ட அலுவலகங்கள் / அரசாங்கத்தின் கீழ் உள்ள தன்னாட்சி நிறுவனங்கள் மற்றும் உள்ளாட்சி அமைப்புகளின் வழக்கமான ஊழியர்கள்

(Multi Tasking Staff /Class IV/Group D ஊழியர்களைத் தவிர)

vi) ரூ.10,000 அல்லது அதற்கு மேற்பட்ட மாதாந்திர ஓய்வூதியம் பெறுகிற ஓய்வூதியதாரர்கள்

(Multi Tasking Staff /Class IV/Group D ஊழியர்களைத் தவிர)

v) கடந்த மதிப்பீட்டு ஆண்டில் வருமான வரி செலுத்திய அனைத்து நபர்களும்

vi) வல்லுநர்கள் நிபுணத்துவ அமைப்புகளில் பதிவுசெய்து தொழிலை மேற்கொள்கின்ற டாக்டர்கள், பொறியாளர்கள், வக்கீல்கள், பட்டய கணக்காளர்கள் மற்றும் கட்டிடக் கலைஞர்கள் போன்றோர். 

தேவைப்படும் ஆவணங்கள்

1. ஆதார் அட்டை
2. வங்கி கணக்கு புத்தகம்
3. நிலத்திற்கான ஆவணம் (சிட்டா)

விண்ணப்பிக்கும் முறை

• PMKISAN இணையதளத்தில் நேரடியாக (https://pmkisan.gov.in/) பதிவு செய்யலாம்

• அல்லது  அருகிலுள்ள பொது இ-சேவை மையத்தில் மேற்கண்ட ஆவணங்களுடன் பதிவு செய்யலாம்

---